Eń qymbat jarnama: jarty mınýty 2 mln dollar
ASTANA. QazAqparat - «Oskar» syılyǵyn tabystaýǵa arnalǵan saltanatty sharany tikeleı efırden kórsetý barysynda beriletin 30 sekýndyq jarnama quny 2 mln dollar turady , dep jazady Rosbalt.
«Bul ótken jylmen salystyrǵanda, 8 paıyzǵa kóp, jarnamaǵa berilgen barlyq ýaqyt satylyp ketti», - dep málimdedi AVS telekompanııasynyń ókili. Sarapshylardyń aıtýynsha, jarnama agenttikteri tikeleı kórsetilimdi joǵary baǵalaıdy. Eske sala keteıik, «Oskar» syılyǵynyń 87-shi marapattaý rásimi jeksenbide «Hollywood & Highland Center» ótedi. Saltanatty shara jergilikti ýaqyt boıynsha 17:30 -da bastalady.
