Eń qymbat páter - álemdegi eń bıik ǵımaratta
ASTANA. QazAqparat - Bıylǵy jyly Dýbaıda satylǵan eń qymbat páterdiń quny $16,4 mln. qurady, dep habarlaıdy RIA Novostı.
BAÁ qarjylyq astanasynyń jekemenshik isteri jónindegi basqarmasynyń málim etýinshe, bul páter qalanyń bedeldi ortalyq aýdanyndaǵy álemdegi eń bıik ǵımarat - Býrdj Halıfada oryn alǵan. Sondaı-aq bıyl satylǵan eń qymbat apartamentterdiń qatarynda $9,6 mln., $7,7 mln., $6,3 mln. jáne $6 mln.-ǵa satylǵan páterler bolǵan. Olardyń barlyǵy atalǵan aýdanda ornalasqan. Jergilikti BAQ-tyń habarlaýynsha, 2013 jyldyń ózinde ǵana qalanyń bul aýdanynda jalpy quny $1,7 mlrd. quraıtyn 2566 páter satylǵan.
