Eń qymbat aıfon: AQSh aýktsıonynda ashylmaǵan eski telefon $200 myńǵa jýyq somaǵa satyldy
Ádette iPhone baǵasy dúkennen ala salyp, qosqanda nemese poshta arqyly jetkizilgen qurylǵyny ashqan sátte quldyraı bastaıdy.
Eski modelderdiń ádette esh quny joq, biraq (onyń ıesi úshin) erekshe jaǵdaılar bar.
AQSh-taǵy aýktsıonda jady 4 GB ashylmaǵan iPhone 190 372,80 dollarǵa satyldy.
Mundaı qurylǵylar kóp shyǵarylmaǵan, sondyqtan iPhone kollektsıonerleri úshin bul - shynymen de taptyrmas sırek dúnıe.
LCG Auctions fırmasy ótkizgen aýktsıonda osy iPhone telefonyn satyp alýǵa 28 ótinim berilgen jáne ol bastapqy qunynan 400 ese joǵary baǵaǵa satyldy.
Degenmen, satyp alýshy tóleıtin túpkilikti soma sol zattyń baǵasyna qosylatyn ákimshilik shyǵyndardy qamtıdy. Bular «satyp alýshynyń syıaqysy» dep atalady jáne satýshyǵa emes, tikeleı aýktsıon fırmasyna túsedi.
LCG aýktsıondary iPhone-dy lıstıngte «tanymal sándi buıym» jáne «kollektsıonerler úshin óte qundy zat» dep sıpattap, ótken jyly taǵy eki ashylmaǵan iPhone-nyń rekordtyq baǵaǵa satylǵanyn aıtty.
Bul iPhone naryqqa alǵash shyqqanda baǵasy 599 dollar edi. Sırek kezdesetin telefonǵa kollektsıonerler 50 myńnan 100 myń dollarǵa deıin tóleıdi dep kútilgen, biraq nátıje onyń bárinen asyp tústi.
Bul iPhone modeli alǵash ret 2007 jyly Apple-di Stıv Djobs basqaryp turǵanda jaryqqa shyqty.
Biraq satylymǵa shyqqannan keıin eki aıda 4 GB modeli tutynýshylar arasynda onsha tanymal bolmaǵan soń óndirisi tez toqtady.
Kóp tutynýshylar telefonnyń 8 GB modelin satyp alǵysy keldi, óıtkeni ústine bar-joǵy 100 dollar tóleseń, telefon jady eki ese kóbeıetin edi. Sol úshin bul túrin eshkim ala qoımady.
