«Eń kópultty orkestr»: Qazaqstanda álem rekordy ornatyldy
Shara elordada ótetin Álemdik din kóshbasshylarynyń sezi qarsańynda uıymdastyryldy. Ótken orny – Beıbitshilik jáne kelisim saraıy. Rekordtyń máni bir sahnada eń kópultty mýzyka ujymynyń basyn qosý.
«Beıbitshilik sazy» atty jobaǵa 51 elden 75 ult ókili qatysty. Al rekordty Gınnestiń álemdik rekordtar kitabynyń tóreshisi Jack Brockbank arnaıy kelip, tirkedi.
«Jobany qolǵa alǵan soń nátıje shyǵarýǵa tyrysasyń. Áıtpese bastamaı-aq qoıý kerek. Árıne, «Beıbitshilik sazy» fızıkalyq turǵyda da, moraldyq turǵyda da shyǵyn qajet etti. Biraq bizge tylsymnan kómek jetkendeı áserde boldyq. Jastardyń ómirge degen belsendi kózqarasy qýantty. Kastıngige 500-den astam ótinish túsken bolatyn. Orkestrdiń eń jas múshesi Gýlıaf 11-de ǵana. Ulty –marıı.
Osy jobaǵa tıtteı de bolsyn úlesin qosqan ár adamǵa alǵys aıtamyn. Nazarbaev Ýnıversıtetiniń oqytýshylaryna aıryqsha rahmet. Óte shyǵarmashyl, alǵa umtylǵysh adamdar deýge bolady. Adam balasynyń ómirdegi mańyzdy mıssııalarynyń biri qaıyrymdylyq jasaý dep bilemin. Jobaǵa qatysqan ár adam búgin sol mıssııasyn oryndaǵandaı», - deıdi jobany uıymdastyrǵan Dáýit Shaıhıslamov.
Kópultty orkestr kóne qazaq áni delinetin «Qara jorǵany shyrqady. Abaıdyń «Jelsiz túnde jaryq aıy» men A. Borodınniń «Igor knıaz» operasynan úzindiler oryndaldy. G. Caccini-diń «Ave Maria»-sy, Vangelis-tiń «Conquest of paradise»-y da orkestrdiń sazyna arqaý boldy.
Grýzııadan kelgen Geo Folk Tour ujymy Abaıdyń «Kózimniń qarasy» ánin oryndasa, Dıana Makına ýkraın ultynyń «ıA lıýblıý tilkı tebe» ánin naqyshyna keltirip shyrqady. «Týǵan jer» balalar hory M. Jackson-nyń We Are The World ánin syılady.
Álemniń 100-den astam elinde 20-dan astam tilde shyǵatyn Gınnestiń rekordtar kitabyna bıylǵy aqpan aıynda qazaqstandyqtardyń bastamasymen taǵy bir rekord tirkelgen bolatyn. World Painting jobasyna álemniń túkpir-túkpirinen qatysqan adamdar qylqalamnyń qaǵazdaǵy izin úzbesten kúrdeli týyndy salyp shyqty. Atalǵan joba da DPARTNERS kompanııasynyń bastamasymen iske asqan bolatyn.
Vıdeodan alynǵan kadr
