Eń qysqa kún: 21 jeltoqsanda qysqy kún toqyraýy bolady

ASTANA. KAZINFORM — Soltústik jarty sharda qysqy kún toqyraýy 21 jeltoqsanda bolady, bul astronomııalyq qystyń bastalýyn bildiredi.

Gismeteo málimeti boıynsha, qysqy kún toqyraýy Soltústik jarty sharda jyldyń eń qysqa kúndizgi ýaqyty men eń uzaq túni, 21 jeltoqsanda bolady. Bul astronomııalyq oqıǵa UTC boıynsha saǵat 15:03-te bolady.

Kúndizgi jaryqtyń uzaqtyǵy qala men aımaqqa baılanysty 6-dan 9,5 saǵatqa deıin ózgeredi.

Osy sátten bastap 2026 jyldyń 20 naýryzynda kóktemgi kún men túnniń teńelýine deıin sozylatyn astronomııalyq qys resmı túrde bastalady. Ońtústik jarty sharda kerisinshe, jaz bastalady – jyldyń eń uzaq kúni bolady.

Kún toqyraýy jer osiniń qısaıýymen baılanysty. Qysta Soltústik jarty sharǵa kún sáýlesi az túsedi, sondyqtan kún qysqarady.

21 jeltoqsannan keıin kúndizgi jaryq birtindep óse bastaıdy, biraq aıtarlyqtaı jylyný keıinirek keledi.

Esterińizge sala keteıik, bıylǵy eń uzaq kún men qysqa tún 21 maýsym boldy: astronomııalyq jazdyń bastalýy Astana ýaqyty boıynsha saǵat 07:42-de bastaldy.

XXI ǵasyrdaǵy eń uzaq kún tutylýy 2027 jyldyń 2 tamyzynda bolatynyn jazǵan edik.