Eń qaýipti sarqyramaǵa sekirgen ekstremaldyń vıdeosy eldi súısindirdi

ASTANA. QazAqparat -  Brıtanııalyq ekstremal Mettı Harper eldegi eń qýatty Haı Fors sarqyramasynan úsh saltomen sekirdi. Youtube-te taraǵan vıdeo jeli qoldanýshylaryn súısindirdi. 

Lad Bible basylymynyń habarlaýynsha, Harper eshqandaı jaraqat almaǵan. Biraq 14 jasynan beri sporttyń ekstremaldyq túrlerimen aınalysatyn tájirıbeli ol eshkimge mundaı trıýk jasaýdy keńes bermeıtinin jetkizgen.

Haı Fors - Brıtan arhıpelagyndaǵy eń qýatty sarqyrama. Pennın taýlarynyń soltústik-batysyn aralaı aqqan Tıs ózeni 21 metr bıikten Tısdeıl ańǵaryna quldılaı qulaıdy. Sportshynyń aıtýynsha, sýy mol ózenniń asaý sarqyramasy mundaı trıýkterdi jasaý óte qaýipti.