Eń qamqor dárigeriń kim: Densaýlyq saqtaý mınıstrligi selfı-baıqaý jarııalady
«Elimizdiń árbir turǵyny baıqaýǵa qatysa alady. Ol úshin súıikti dárigerimen selfı jasap, medıtsınalyq kómekke júginip, dárigerdiń qamqorlyǵyna bólengen sátińiz týraly qazaq nemese orys tilinde úzindi-mátin jazý kerek», - delingen habarlamada.
Osydan keıin sýretti jáne mátindi zdrav_konkurs_2018@mail.ru elektrondy poshtasyna joldaý qajet. Sonymen birge, qatysýshy sýret pen jazbany Facebook áleýmettik jelisindegi óz akkaýntyna #Menińdárigerim #Moıdoktor heshtegimen jarııalaýy tıis. Jumystar osy jyldyń 10 jeltoqsanyna deıin qabyldanady.
«Keri baılanysty qamtamasyz etý úshin óz telefondaryńyzdy kórsetýdi umytpańyz. Baıqaý qorytyndysy boıynsha anyqtalǵan 3 jeńimpaz baǵaly syılyqtarǵa ıe bolady», - dep habarlaıdy mınıstrliktiń baspasóz qyzmetinen.