«Eń qadirli áıel» ataǵy Andjelına Djolıge buıyrdy
ASTANA. QazAqparat - Álemniń 23 elinen 25 000-nan astam adam arasynda júrgizilgen áleýmettik saýalnama nátıjesinde gollıvýdtyq aktrısa Andjelına Djolı «Eń qadirli áıel» ataǵyna laıyq dep tanyldy, dep habarlady www.muslim.kz.
Asyǵy alshysynan túsken aktrısa baıqaý nátıjesi boıynsha Brıtanııanyń koroldik januıasynyń jomart bıkeshteri men quqyq qorǵaýshylyǵymen keńinen tanylǵan musylman qyzy Malala ıÝsafzaıdy da basyp ozǵan kórinedi.
YouGov jasaǵan saýalnama barysynda «Eń qadirli áıel» ataǵyna úmitkerlikke Angela Merkel, Hılları Klınton jáne Sonıa Gandı syndy álemge belgili qaıratkerler usynylǵan. Saýalnama suraqtaryna berilgen jaýaptar arasynda qurmet pen baǵalaýǵa laıyqty dep Andjelına Djolı esimi kóp atalǵan.
BUU-nyń bosqyndar isi jónindegi arnaıy elshisi, gollıvýdtyq juldyz jáne kóp balaly ana osylaısha «Eń qadirli jandar» tizimindegi birinshi oryndy ataqty mıllıarder Bıll Geıtspen birge bólisti.
