Eń iri KITF týrıstik kórmesi 10 jyldyq mereıtoıyn atap ótýde
/strong>Sáýirdiń 21-i. QazAqparat / Ádilet Musahaev / - Búgin Almatydaǵy «Atakent» kórmeler ortalyǵynda «Týrızm jáne saıahat - KITF 2010» jármeńkesi ótýde,
dep habarlaıdy QazAqparat.
Sáýirdiń 23-ne deıin jalǵasatyn kórmeni Qazaqstannyń Týrızm jáne sport mınıstrligi, Almaty qalasynyń ákimshiligi, otandyq Iteca kórmeler kompanııasy men brıtandyq ITE kórme kompanııalarynyń toby uıymdastyrýda.
Atalmysh kórmege álemniń 36 elinen kelgen 500-deı kompanııa qatysýda. Sharany uıymdastyrýshylar men qatysýshylardyń eńbeginiń arqasynda kórme otralyǵy ekzotıkalyq týrlar men saıahattar áleminiń esigin ashatyn kórkem ári biregeı ekspozıtsııalardyń ortalyǵyna aınalyp otyr.
Dúnıejúzilik týrıstik uıymnyń atqarýshy dırektory Zoltan Shomodtyń aıtýynsha, týrızm álemdegi eń iri ári jyldam damyp kele jatqan ındýstrııalardyń biri. «Sońǵy jyldary Qazaqstan Eýrazııadaǵy tartymdy, yntymaqty baǵyt retinde óziniń ımıdjin ilgerletýdi aıtarlyqtaı úrdiske qol jetkizdi. Osyndaı halyqaralyq týrıstik jármeńkeler iskerlik qatynastar ornatyp, nyǵaıtý úshin mańyzdy bolyp qala bermek, deıdi Z.Shomod.
