Eń ejelgi hokkeı taıaqshasy bássaýdaǵa shyǵaryldy
ASTANA. QazAqparat - Ebay ınternet-bássaýdasyna álemdegi eń kóne hokkeı taıaqshasy shyǵaryldy. Oǵan shamamen 180 jyl bolǵan, dep habarlady Day.Az.
Atalmysh taıaqshany satylymǵa Jańa Shotlandııa provıntsııasyndaǵy Bervık qalashyǵynda turatyn kanadalyq Mark Preslı qoıǵan. Onyń sózine qaraǵanda, bul taıaqty 2008 jyly Nors-Sıdnı qalasyndaǵy shashtarazdyń burynǵy qojaıynynan 1 myń dollarǵa satyp alǵan. Sporttyq buıym shashtaraz qabyrǵalarynyń birinde 30 jyl boıy ilinip turǵan eken. Úıeńkiden jasalǵan taıaqta W.M degen adamnyń esiminiń bastapqy áripteri jazylǵan.
Sakvılldegi Maýnt-Ellıson ýnıversıtetiniń sarapshylary bul hokkeı taıaǵynyń 1835-1838 jyldar aralyǵynda jasalǵanyn anyqtady. Ázirge bássaýdadaǵy baǵanyń mólsherlemesi 10,1 myń dollarǵa deıin kóterilgen. Ony satyp alamyn deýshilerdiń áli segiz kúni bar.
Aıta keterligi, 2006 jyly Kanadada shamamen 1852 jyly jasalǵan hokkeı taıaqshasy Ebay-da 2,2 mln. dollarǵa satylǵan-dy.
