Eń durys tamaqtanatyn el anyqtaldy
LONDON. QazAqparat - Brıtandyq telearna ár elderdegi adamdardyń tamaqtanýy týraly baǵdarlamalar serııasyn aıaqtady.
Jýrnalıster Djımmı Doertı men Keıt Kılton kóptegen elderge baryp, adamnyń ortasha tamaqtaný statıstıkasyn jınady, dıetologtar osy derekterdi taldap, elder boıynsha durys tamaqtanýdyń reıtıngin túzdi.
Jemis-jıdek baqshalary, keń jaıylymy joq Islandııanyń birinshi oryndy ıemdenýi kútpegen oqıǵa boldy. Bul elde dúkendegi ónimderdiń sapasy óte jaqsy.
Islandııa turǵyndary qantty óte az mólsherde, al jas balyqty, sapaly etti jáne sút ónimderin kóp tutynady, dep habarlady Kedem.
Italııa men Grekııa ekinshi jáne úshinshi orynda. Úzdik ondyqqa Japonııa, Shvetsııa, Norvegııa, Danııa, Panama, Frantsııa, Ispanııa jáne Gollandııa kirip otyr.
Eń durys tamaqtanbaý - Marshall araldarynyń enshisinde. Mundaǵy turǵyndar AQSh-tan jetkiziletin taǵamdarǵa táýeldi.
