Eń durys boljamdaýshylar dollardyń nyǵaıatynyn aıtty
ASTANA. QazAqparat - Julius Baer bankiniń sarapshylary jýyrda Ulybrıtanııadaǵy referendým qarsańynda fýnt pen ıena baǵamyna durys boljam jasap, Bloombergtiń valıýtalyq strategteri reıtınginiń kóshin bastady.
Endi olar dollardyń nyǵaıýyn boljap otyr, dep habarlady RBK.
Bloomberg agenttiginiń málimetteri boıynsha, Shveıtsarııalyq Julius Baer bankiniń sarapshylary ekinshi toqsanda valıýta boıynsha dál boljam jasady. Olar úshinshi toqsanda dollardyń nyǵaıýyn kútýde, dep habarlady Bloomberg. Banktiń valıýtalyq strategteriniń pikirinshe, amerıkandyq valıýta aldaǵy úsh aıda ıenadan «tynysh aılaq» rólin tartyp alýy múmkin.
Ekinshi toqsannyń sońyna qaraı ıena dollarǵa shaqqanda 4%, $1 úshin ¥106 deıin arzandaıdy, eýro baǵamy 2%, $1,08 úshin €1 tómendeıdi, dep sanaıdy Julius Baer valıýtalar boıynsha bas strategi Devıd Kol.
Ekinshi toqsannyń qorytyndysy boıynsha Julius Baer dál boljaıtyn valıýtalyq strategterimen Bloomberg nusqasy boıynsha reıtıngte ekinshi orynnan birinshi satyǵa kóterildi.
