Eń baı mýzykanttar jarııalandy
ASTANA. 21 qarasha. QazAqparat - Marqum bolǵan Maıkl Djekson bir jylda tiri júrgen Madonnadan artyq tabys tapqan, dep jazady Ýtro.Ru.
Amerıkalyq pop-ánshi Madonna jyl qorytyndysy boıynsha Forbes jýrnaly qurastyrǵan mýzykanttar reıtınginde birinshi jolǵa kóterilip, eń baı oryndaýshy atandy.
Basylym málimetterine qaraǵanda, MDNA albomyn qoldaý úshin qoıǵan sońǵy gastroldik kontsertteriniń jáne Material Girl kıimin jáne Truth or Dare ıissýin satýdan túsken qarajattyń arqasynda Madonna 125 mıllıon dollar tabys tapty. Bul reıtıngini qurastyrý kezinde qazirgi ýaqytta tiri júrgen mýzykanttar ǵana esepke alyndy, áıtpese, birinshi jolǵa sol kezeńde 160 mln dollar "tabys tapqan" Maıkl Djekson shyǵar edi, dep atap jazýda basylym.
Ekinshi orynǵa pop-ánshi Ledı Gaga ($80 mln.) ornalasty, Bon Jovi amerıkandyq rokerleri sál azdaý - 79 mln. dollar tabys tapqan. Sodan keıingi orynda 65 mıllıon dollary bar kantrı ánshi Tobı Kıt sanalady. Amerıkalyqtar arasyndaǵy kóshbasshylar bestiginde brıtandyq Cold Play (64 mıllıon dollar) rok-toby bar. Tizimge taǵy bir aǵylshyn toby - The Muse (43 mln. dollar jáne 16-oryn) engen.
Jasóspirim qyzdardyń súıikti ánshisine aınalǵan Djastın Bıber altynshy orynda (58 mıllıon dollar). Onyń jyldyq tabysy Elton Djon (7-oryn jáne 54 mln. dollar) jáne 47 mln. dollar taýyp, eń baı on mýzykanttyń qataryna enbeı qalǵan Pol Makkartnı sııaqty metrlerge qaraǵanda joǵary bolyp shyqty. Al ańyzǵa aınalǵan Rolling Stones (39 mln. dollar) amerıkalyq reper Dr.Dre-ge jol berip, jıyrma baı mýzykant qatarynan shyǵyp qaldy.
Top-25 qataryna amerıkalyq ánshi jáne BUU erikti elshisi Ketı Perrı (39 mln. dollar), kantrı stılinde án salatyn Tım Makgro (33 mln. dollar) jáne Pınk atymen (32 mıllıon dollar) barynsha tanymal bolǵan Alısha Bet Mýr de endi.
