Eń bastysy sany emes, iske qosylǵan ınvestjobalardyń sapasy - QR ındýstrııa jáne jańa tehnologııalar vıtse-mınıstri
Búgingi tańda qurylys-jóndeý jumystary aıaqtalǵan, 2010 jyldyń shildesinde zaýyt paıdalanýǵa beriledi dep josparlanýda. Indýstrııa jáne jańa tehnologııa vıtse-mınıstri Berik Qamalıevtiń Aqtóbe oblysyna jasaǵan sapary barysynda aralaǵan nysandardyń alǵashqylarynyń biri «Sıtal 2» boldy.
«Kásiporyn jańa tehnologııalardy qoldana otyryp qurylǵan, kóptegen óniimder shyǵarady, jergilikti shıkizatty qoldanýy qýanysh uıalatady. «Sıtal 2» eldiń batys aýmaǵyn túgel qamtyp, Reseı naryǵyna da shyǵýdy josparlaýda, biraq kóp jumys isteý kerek. Ózindik quny naryqtaǵy baǵaǵa jaýap bere alý úshin, barlyq nárse jobalaýshylardyń jumysyn eskere otyryp jasalýy tıis», - dep B.Qamalıev jańa kásiporynǵa jaqsy baǵa berdi.
Atap aıtqanda, vıtse-mınıstr kásiporynnyń tıimdiligine, ónimniń ózindik baǵasyna jáne zaýyttyń qurylys ındýstrııasy qarqyny tómendep otyrǵan tusta qurylyp otyrǵandyǵyn aıta kelip, ónimniń ótkizilýine nazar aýdardy.
«Sıtal 2» JShS dırektory Anarbek Esetovtyń aıtýynsha, ónimniń ótimdiligine, onyń biregeıligi, sondaı-aq tańdaýdyń kóptigine úmit mol. Elimizdiń batys óńirinde atalmysh ónim múldem joq, kásiporyn qabyrǵalar men jaqtaýlardan bastap, qurylystyń barlyq túrine arnap kirpish shyǵarady, tipti beton qabyrǵalarǵa qaraǵanda dybys ótkizbeıtin joǵary sapaly jáne baǵasy da arzan qabataralyq qurylysqa arnalǵan kirpish shyǵarý da josparlanǵan. Zaýyttyń qýattylyǵy jylyna 30 mln. dana kirpish. Jobanyń jalpy quny - 1,4 mlrd. teńge.
«Jedel ındýstrııalyq-ınnovatsııalyq damý baǵdarlamasynyń sheshilmegen problemalary bar, biraq olar ýaqytynda sheshimin taýyp otyr. Eń bastysy sany emes, engizilgen nysandardyń sapasy, olar eń zamanaýı tehnologııalardy qoldana otyryp, eksport shyǵarý baǵyty boıynsha jumys isteýleri kerek», - dedi B.Qamalıev.
