Eń bastysy - eńbekqorlyq jáne ambıtsııa: IT-kompanııada qalaı tabysqa jetýge bolady

- Bala kezde bıolog bolýdy armandaýshy edim. Meniń anam muǵalim, sondyqtan erte jastan mıkroskoptar men probırkalardyń arasynda óstim. Men fızıka pánin tereńdetip oqytatyn fızıka-matematıkalyq lıtseıde oqydym. Joǵarǵy oqý ornyn da osy baǵyt boıynsha tańdadym. ıAǵnı, Almaty energetıka jáne baılanys ýnıversıtetne tústim. Men jaýapkershilik degenniń ne ekenin osy ýnıversıtette júrip jete túsindim dese bolady. Ýnıversıtet qabyrǵasynda bilim ala júrip, adamdardy, jalpy aınalamdaǵy dúnıelerdi durys tanı bastadym. Ózimniń alǵan baǵytym, bolashaqta jumys isteıtin mamandyǵym týrasynda da kóp oılandym. 4-shi kýrsta oqyp júrgende bul meniń mamandyǵym emes ekenin túsindim. Maǵan adamdarmen qarym-qatynas, ásirese ashyq qarym-qatynas asa qajet edi. Sóıtip, oqýymdy bitirgen soń satý jónindegi menedjer qyzmeti boıynsha bos jumys oryndaryn izdeı bastadym. Óıtkeni dál osy mamandyq dıalog júrgizýge negizdelgen. Sonda men alǵash ret RabotaNur.kz job-servısi týraly bildim. NUR.KZ IT-kompanııasyna ótinish jiberip, jaýap aldym. Men pikirlesýdiń birneshe kezeńinen óttim, biraz tolqydym, biraq qyzyqty boldy. Men osy kompanııada 2,5 jyldan beri jumys istep kelemin.

- Úmitkerlerdi tańdaýda qandaı talaptar qoıady eken

- Pikirlesý kezinde komandanyń ártúrli múshelerimen kezdesesiń. Olar jumysqa jáne oqýǵa, qyzyǵýshylyqtaryńa, jetistikterińe jáne bolashaqqa maqsattaryńa baılanysty suraqtar qoıady. Kandıdat qandaı pozıtsııaǵa kelgenin, jaı ǵana stsenarıı boıynsha sóılesetin call-ortalyqqa emes, satý salasyna kelgenin túsinýi tıis.

Jumys berýshi tanysý kezinde nazar aýdaratyn birneshe krıterıı bar: mektep pen ýnıversıtette oqý tarıhy, nemen áýestenedi, ómirdegi maqsaty ne, kúızeliske tózimdilik, saýatty sóıleý jáne jazý men jaýapkershilik. Sizdiń jetekshińiz ómirdiń túrli salalarynda qol jetkizgen jetistikterińizdi de baǵalaıdy. Men, mysaly, mektepte matematıkadan olımpıadaǵa qatystym jáne qalalyq, respýblıkalyq sharalarda júldeli oryndarǵa ıe boldym. Ómirimdegi este qalarlyq oqıǵalardyń biri Frantsııada ótken shara bolatyn. Men oǵan «Kóbelektiń áseri» boıynsha úlken zertteý jobasyn daıyndap, sony tanystyrdym. Meniń kompanııaǵa kelgende satý isi boıynsha tájirıbem bolǵan joq edi, biraq ynta-jigerim bar bolatyn. Onyń ústine osy mamandyq arqyly ósý jáne paıda tabý da meniń maqsatyma jetýime demeý boldy deı alam. Myqty satýshy bolýy úshin sizdiń jumys isteýge degen ynta-jigerińiz, kez-kelgen isti atqarýǵa daıyndyǵyńyz qajet. Siz aldyǵa durys maqsat qoıyp, oǵan jetýge múmkindik beretin dúnıelerdi damyta otyryp, atqarǵan isińizden naqty nátıje shyrǵara bilýińiz kerek. Bul jerde sizdiń qanshalyqty daryndy adam ekenińiz asa mańyzdy emes.

- IT-kompanııadaǵy satý menedjeriniń minsiz beınesin qalaı elestetesiz?

- Menedjerler kún saıyn adamdarmen baılanysady. Klıenttermen betpe - bet kezdesken jaǵdaıda, siz ony syrtqy kelbetińizben baýraı alasyz, al telefon arqyly sóılesken kezde sizde tek bir kozyr bolady, ol sizdiń daýysyńyz. Klıentti kózben kórmeı turyp-aq qyzyqtyra alsańyz, tabysqa jetesiz. Bizdiń klıentterimizdiń kópshiligi - HR-menedjerler men kompanııa basshylary jáne árqaısysymen til tabysa alý kerek. Biz jumys berýshilerdiń kompanııasyna jaqsy adamdardy tabýǵa árdaıym shyn júrekten kómekteskimiz keledi.

Minsiz menedjerdiń eńbekqorlyǵy pen ambıtsııasy bolýy kerek. Adamnyń óz aldyna maqsat qoıyp, oǵan qol jetkize alýy mańyzdy.

Bizdiń ujymda jastar óte kóp. Biz oqýǵa jáne jańa maqsattarǵa qol jetkizýge daıynbyz. Jas qyzmetkerler - bul turaqty kreatıv. «Y urpaǵy» eshteńeden qoryqpaıdy. Meniń áriptesterim bolashaqqa úlken úmitpen qaraıdy jáne óz ıdeıalaryna senedi.

RabotaNur.kz job-servıs bazasynda 1.8 mln astam túıindeme, 51 myń tirkelgen jumys berýshi kompanııalar bar. Siz RabotaNur.kz saıtynda armanyńyzdaǵy jumysty 22 myń usynystyń arasynan taba alasyz.

Sondaı-aq, jumys izdeýshiler úshin Android platformalarynda qoljetimdi mobıldi qosymsha usynylǵan.