Eń baqytty adamdar Skandınavııada turady
ASTANA. 10 qyrkúıek. QazAqparat - World Happiness Report 2013 zertteýi boıynsha, eń baqyty adamdar Danııada turady. Sarapqa memleket azamattarynyń ómir súrý deńgeıi salyndy. Ekinshi oryndy da skandınavııalyq elderdiń biri - Norvegııa aldy. Úshinshi orynǵa Shveıtsarııa laıyq dep tanyldy, dep habarlaıdy RBK.
Eń baqytty elder ondyǵyna Nıderlandy, Shvetsııa, Kanada, Fınlıandııa, Avstrııa, Islandııa jáne Avstralııa elderi kirdi.
Al eń sońǵy oryndar Ortalyq Afrıka elderi (154-oryn), Benın (155-oryn) jáne Togoǵa (156-oryn) buıyrdy.
AQSh Izraıl, BAE men Meksıkany alǵa jiberip, 17-orynǵa jaıǵasty. Japondyqtar baqytty elder qatarynan 43-shi oryndy ıelense, qytaılyqtar 93-shi boldy.
Zertteý avtorlarynyń atap ótýinshe, jeke adamnyń baqytty bolýyna onyń densaýlyq jaǵdaıy, jeke ómiri men qyzmettegi tabystary ǵana emes, sondaı-aq jalpy eldiń ómir súrý deńgeıi, saıası derbestik, áleýmettik qorǵanys, jumysqa ornalasý múmkindigi jáne ózge de áleýmettik-ekonomıkalyq jáne saıası faktorlar áser etedi.
