Eń arzan piste maı Shymkentte — lıtri 529 teńgeden

ASTANA. KAZINFORM — Qazaqstanda 2024 jyldyń birinshi toqsanynda tazartylmaǵan kúnbaǵys maıyn óndirý kólemi 2023 jyldyń sáıkes kezeńimen salystyrǵanda 31,4% ósti. 

Osy ýaqyt ishinde qazaqstandyq kásiporyndar 136,5 myń tonna ónim shyǵarsa, 2023 jyly 103,9 myń tonna kúnbaǵys maıyn óndirgen.

Otandyq ónimniń naryqtaǵy úlesi 83,7%, bul rette ónimniń 16,3% syrttan ákelinedi.

Kúnbaǵys maıynyń negizgi úlesi (soflor jáne maqta maıyn qosa alǵanda) ótken jyly Ózbekstanǵa, Qytaıǵa jáne Tájikstanǵa eksporttaldy.

Elimizde kúnbaǵys maıynyń ortasha baǵasy — lıtrine 651 teńge.

Óńirler arasynda kúnbaǵys maıynyń eń tómengi baǵasy Shymkentte — 529 tg/l, al eń joǵary baǵa Jezqazǵan qalasynda — ortasha baǵa 865 tg/l.