Eń alyp dınozavrdyń tolyq saqtalǵan súıegi tabyldy
ASTANA. QazAqparat - Paleontologtardyń halyqaralyq toby jýyrda buryn-sońdy bolmaǵan tolaǵaı tabysqa qol jetkizdi. Paleontologııa tarıhynda tuńǵysh ret barlyq súıek qańqasy din aman saqtalǵan álemdegi eń alyp janýardyń súıek qańqasy Argentınadan tabyldy, dep jazady islam.kz.
Mezozoı dáýirinde tirshilik etken alyp janýar Dreadnoughtus schrani nemese jaı ǵana drednoýt dep atalady. Salmaǵy 65 tonnaǵa jetetin alyp janýardyń bıiktigi: eki qabatty úımen teń keledi. Uzyndyǵy - 30 metr.
Osydan 77 mln. jyl buryn tirshilik etken. Ǵalymdar onyń ajaly jetip ólgenge deıin óskenin toqtatpaǵanyn anyqtady. Eger ajaly kelip ólmegende budan da úlken bolatynyna kúmán joq. Ǵalymdardyń aıtýynsha, alyp janýardyń súıek qańqasynyń din aman saqtalýyna tótenshe apattan birden topyraqtyń astynda qalýy sebep bolsa kerek. ıAǵnı, kómilip qalǵan.
