Eń aldymen Dúısenovanyń, Saǵadıev pen Birtanovtiń «bıýdjeti» tekseriletin boldy
ASTANA. QazAqparat - Eńbek jəne halyqty əleýmettik qorǵaý, Densaýlyq saqtaý men Bilim jəne ǵylym mınıstrliginiń bıýdjetteri eń birinshi bolyp tıimdilikke tekseriletin boldy. Bul týraly búgin Úkimet otyrysynda QR Premer-mınıstri Baqytjan Saǵyntaev aıtty, dep habarlaıdy QazAqparat.
«Elbasy óz Joldaýynda bıýdjet shyǵyndarynyń tıimdiligin arttyrý kerek dep atap ótti. Sondyqtan, búkil memlekettik organdardyń bıýdjettik damýyn taldaý kerek. Prezıdenttiń tapsyrmasyna saı, bul jumys Eńbek jəne halyqty əleýmettik qorǵaý mınıstrliginen, Densaýlyq saqtaý mınıstrliginen, Bilim jəne ǵylym mınıstrliginen bastaý kerek»,-dedi Saǵyntaev
Úkimet basshysy atap ótkendeı, taldaý qorytyndysy boıynsha tıimsiz baǵdarlamalar anyqtalyp, solardyń qarjysy Qazaqstandy úshinshi modernızatsııalaý baǵdarlamasyna tartylady.
Aıta keteıik, Eńbek jəne halyqty əleýmettik qorǵaý mınıstligin Tamara Dúısenova, Densaýlyq saqtaý mınıstrligin Eljan Birtanov, al, Bilim jəne ǵylym mınıstrligin Erlan Saǵadıev basqarady.
