Emizýli analarǵa shaı ishýge bolmaıdy – dıetolog keńesi

ASTANA. KAZINFORM — 45 jastan asqandarǵa shaı ishýdi azaıtqan jón. Sebebi shaı adam aǵzasyna kaltsııdiń sińýin tejeıdi.

Shaıdyń zııany men paıdasy týraly «Búgin LIVE» baǵdarlamasyna suhbat bergen dıetolog maman aıtyp berdi.

– Shaı adamǵa energııa beredi. Óıtkeni qara shaıdyń ishinde de, kók shaıdyń ishinde de kofeın bar. ıAǵnı barlyq shópten jasalǵan sýsyndarda kofeın bolady. Biraq mólsheri ártúrli. Mysaly, kofede kofeın kóp bolady. Al qara shaıdyń ishinde azyraq, kók shaıdyń ishinde odan az. Sol úshin qara shaı kóbirek energııa beredi. Kók shaıdyń ishinde antıoksıdanttar kóbirek. Integratıvti medıtsınada kók shaıdy emdik qasıeti bolǵandyqtan dári retinde qoldanady, – deıdi Gúlmıra Dymyq.

Maman shaıdyń zııandy tustaryna da toqtaldy.

– Shaıdy kóp tutynǵan da zııan. Mysaly adamnyń ishi ótip jatsa, qara shaı beredi. Óıtkeni onyń dýbıldi qasıeti bar. Ol bizdiń ishegimizde taǵy bir qabat túzedi. Solaı ishegimizdiń membranasy qalypqa keledi. Sol úshin shaıdy kóp mólsherde ishse, ol ishti qatyrady. Emizýli analarǵa shaı ishýge bolmaıdy. Óıtkeni ol balanyń ishin qatyrýy múmkin jáne sút qosylǵan shaı da ishti qatyrady. Jalpy qazir emizýli anadarǵa suıyqtyq retinde jaı sý men sorpa ishýge ǵana keńes beremiz, – deıdi ol.

Dıetolog kók shaıdyń erekshe qasıetterin atap ótti.

– Túrli SPA salondarynda protsedýra bitkennen keıin sizge kók shaı usynady. Óıtkeni onyń ishinde L-treonın degen amın qyshqyly bar. Ol bastaǵy qysymdy túsiredi. ıAǵnı bosańsýǵa kómektesedi. Júıke júıesi sımpatıkalyq, parasımpatıkalyq bolyp bólinedi. Al kók shaı osy júıeniń demalýyna, qalpyna kelýine sep bolady, – deıdi spıker.

Stýdııa qonaǵy tamaqpen birge shaı ishýge bolmaıtynyn eskerti.

– Ash qarynǵa birinshi tamaq ishý kerek. Sebebi aǵzamyzǵa nýtrıentter kerek. Ol aqýyzdar, maılar jáne kómirsýlar. Eger ash qarynǵa shaı ishe bersek, aǵzaǵa eshqandaı paıda ákelmeıdi. Shaıdy tamaqtyń kezinde de, tamaqtan keıin de ishýge bolmaıdy. Tamaq qorytylǵannan keıin baryp, 1 saǵattyq kóleminde ishý kerek. Jáne 45 jastan asqan áıelderge kóp shaı ishýge bolmaıdy. Óıtkeni ol kaltsııdyń durys sińýine kedergi keltiredi, – deıdi dıetolog.

Buǵan deıin nýtrıtsıolog maman kesek jeıtinderdiń aǵzasyna temir jetispeıtinin aıtqan edi.