Emxanaǵa HQKO-lar arqyly tirkelemiz - mınıstr Birtanov
QR Densaýlyq saqtaý mınıstri Eljan Birtanovtyń aıtýynsha, búginde emxanalarǵa bıýdjet qarjysy patsıenterdiń sanyna qaraı bólinedi. Sodan alaıaqtyq áreketter de bolyp jatady.
«Sol sebepti men barlyq azamattarǵa qaı emxanaǵa tirkelgenin tekserýge keńes beremin. Ol úshin elektrondy úkimet saıtyna kirip, jeke sáıkestendirý nómirin engizý kerek. Biz árbir adamnyń ózi tańdaǵan dárigerge aqsha bólip bergenin qalaımyz. Ókinishke qaraı, xalyq osy máselege kóp mán bermeıdi. Biraq bir adam múldem basqa emxanaǵa tirkelip ketýi ábden múmkin. Sebebi texnıkalyq aqaýlyqtar bolady, alaıaqtyq áreketter de bolady. Máselen, adamdy jeke kýáliktiń kóshirmesi boıynsha tirkeı salady. Óıtkeni qazirgi talap boıynsha sol jeke qujattyń kóshirmesi men ótinish qana kerek. Osyǵan baılanysty biz emxanaǵa tirkelý erejelerin ózgertip jatyrmyz. Endi, ol jumys xalyqqa qyzmet kórsetý ortalyqtary arqyly júrgiziledi. Sonda adamnyń ózi kelip, emxanaǵa tirkeletin bolady», - dedi E.Birtanov Astanada ótken baspasóz máslıxatynda.
Aıta keteıik, baspasóz máslıxatynda mınıstr bosanǵan áıelderdiń ólimine sebep bolatyn negizgi máselelerdi atady.
Onyń aıtýynsha, jyldyń aıaǵyna deıin tegin dári-dármek máselesi tolyǵymen sheshiledi.