Emtıhansyz júrgizýshi kýáligin alyp bermek bolǵan aqtóbelik ustaldy
AQTÓBE. QazAqparat - Aqtóbede mamandandyrylǵan HQKO-da óz «qyzmetin» usynǵan adam ustaldy, dep habarlaıdy QazAqparat tilshisi.
«Aqtóbe oblystyq polıtsııa departamentiniń ózindik qaýipsizdik basqarmasy qyzmetine mamandandyrylǵan halyqqa qyzmet kórsetý ortalyǵynda júrgizýshi kýáligin alyp berý qyzmetin usynǵan adam týraly aqparat tústi. Ol júrgizýshi kýáligi úshin emtıhan tapsyryp, kólik júrgizýge ýáde etken. Jedel shara kezinde jergilikti turǵyn ustaldy. Kúdiktiden júrgizýshi kýáligin alýǵa qajetti bir adamnyń barlyq qujaty tabyldy. Ustalǵan aqtóbelik bar kinásin moıyndap, qyzmeti úshin 50 myń teńge alatynyn aıtty», - dep habarlady oblystyq PD baspasóz qyzmeti.
Qazir Qylmystyq kodekstiń «Alaıaqtyq» baby boıynsha is qozǵaldy.
