Emtıhan kezinde oqýshylarǵa kóshirýge kómektesken 300 adam qamaýǵa alyndy
ASTANA. QazAqparat - Úndistannyń Bıhar shtatynda mektep oqýshylaryna emtıhan kezinde kóshirýge kómektesken 300-ge jýyq adam qamaýǵa alyndy, dep jazady sheteldik BAQ.
Qamaýǵa alý oqýshylarǵa jaýaptardy jiberý úshin oqý ortalyǵynyń qabyrǵalaryna órmelegen olardyń ata-analary men dostary túsip qalǵan beınejazbadan keıin bastaldy. Ustalǵandardyń kóbi - oqýshylardyń ata-analary. Qylmysqa sondaı-aq oqý ortalyǵynyń mańynda kezekshilik júrgizgen polıtseıler de qatysty bolyp shyqty. Olardyń keıbireýleri oqýshylarǵa jaýap jazylǵan qaǵazdardy jiberip otyrǵan adamdardy «baıqamaǵany» úshin para alǵan. Kóshirgeni úshin kem degende 750 oqýshy oqýdan shyǵaryldy. Bul janjaldan keıin tórt oqý ortalyǵynda emtıhan toqtatyldy.
