Emshiden taıaq jegen aqtóbelik turǵyn polıtsııaǵa shaǵymdandy
AQTÓBE. QazAqparat - Aqtóbelik emshi "ishińe kirgen jyndy shyǵaramyn" dep, em izdegen adamdy uryp tastaǵan, dep habarlaıdy QazAqparat tilshisi.
Aqtóbe oblystyq polıtsııasyna taıaq jegen turǵyn shaǵymdandy.
"Sońǵy ýaqytta psıhologııalyq aýytqýy bar adamdardy emdeımiz, adamdardyń ishine kirgen "jyndy" shyǵarýǵa kómektesemiz dep júrgen din ustanýshy azamattardy kóp kezdestiremiz. Osy emshiler duǵalar oqyp, ártúrli shópten jasalǵan qospalardy ishkizip, sol úshin 3000-10000 teńge aralyǵynda tólem alady. Mamyr aıynyń sońynda destrýktıvti dinı aǵymdy ustanýshy turǵyn emdelýshiniń ishine jyn kirgen dep, ony eriksiz úıge qamap, taıaqpen uryp, ártúrli jaǵymsyz untaq qospalardy ishkizgen. Emdelýshi osy jaǵdaıdan qutylǵannan keıin, polıtsııa qyzmetkerlerine júgingen", - dep habarlady oblystyq PD baspasóz qyzmeti.
Aıta keteıik, osy oqıǵaǵa qatysty Qazaqstan Respýblıkasynyń ÁQBtK 424-babyna sáıkes, ıaǵnı, "zańsyz medıtsınalyq jáne (nemese) farmatsevtıkalyq qyzmetpen aınalysý" faktisi boıynsha jalǵan emshige aıyppul salyndy.
