«Emotsııaǵa berilip, daýys kóterýdiń qajeti joq»: sýdıa Perızat Qaıratqa eskertý jasady
ASTANA. KAZINFORM – Elordada eriktiler qozǵalysynyń belsendisi jáne qoǵamdyq qaıyrymdylyq qorynyń quryltaıshysy Perızat Qaıratqa qatysty sot otyrysynyń alǵashqy kúni qorytyndylandy.
- Aıyptalýshy Perızat Qaırat qaıtalap aıtamyn, siz qazir kýágerge óz pikirińizdi tańyp otyrsyz. Kýágerge qysym kórsetpeýińizdi suraımyn. Eger suraqtaryńyz qaıtalana berse, sot olardy alyp tastaıdy, - degen eskertý jasady Astana qalasynyń qylmystyq ister jónindegi aýdanaralyq sotynyń sýdıasy Sabyrjan Kárimov basty aıyptalýshyǵa.
Perızat Qaırat óz kezeginde kýáger betke qarap turyp jalǵan jaýap berip jatqanyn aıtyp, jylap jiberdi.
- Aıyptalýshy, men sizge túske deıin eki ret túsindirdim ǵoı. Suraq qoıdyńyz ba? Jaýabyn tyńdańyz, sodan keıin kelesi suraqty qoıyńyz. Sizdiń ózińizge yńǵaıly jaýap alǵyńyz kelip turǵany baıqalyp tur. Sot otyrysynyń belgilengen tártibi bar. Kýágerdiń shyn nemese jalǵan jaýap berip otyrǵanyn sot anyqtaıdy. Emotsııaǵa berilip, daýys kóterýdiń qajeti joq, - dep túsindirdi sýdıa.
Sot otyrysy 15 shilde saǵat 10:00-de jalǵasady.
Buǵan deıin memlekettik aıyptaýshy Perızat Qaırat pen onyń anasyna taǵylǵan aıyptardy tizbektep shyqty.
Sýdıa suraǵyna jaýap bergen Perızat Qaırat aıyptar negizsiz taǵyldy dep, moıyndamaıtynyn jetkizdi.
burynǵy «Nur Otan» (qazirgi Amanat) partııasy tóraǵasynyń birinshi orynbasary bolǵan, Almaty qalasynyń eks-ákimi Baýyrjan Baıbektiń esimin atap ótti.
Memlekettik aıyptalýshy Perızat Qaırat pen anasy Ǵaını Alashbaeva 3,5 mlrd teńgeniń qaıda jumsalǵanyn tizip berdi.
Aıta ketsek, buǵan deıin de Perızat Qaırat ózine taǵylǵan aıyptarmen kelispedi.
Sondaı-aq Perızat Qaırat tergeý ızolıatory qyzmetkerlerinen jábir kórgenin aıtqan edi. Artynsha elorda polıtsııasy tergeý ızolıatorynda bolǵan jaıttyń vıdeosyn kórsetti.
Belgili bolǵandaı, Perızat Qaırattyń soty ishinara jabyq ótedi.
Buǵan deıin elordada Perızat Qaırattyń isine qatysty aldyn ala sot otyrysy ótti.
Bıyl 30 maýsymda Perızat Qaırattyń isi sotqa jiberildi.
Eske salaıyq, eriktiler qozǵalysynyń belsendisi jáne qoǵamdyq qaıyrymdylyq qor quryltaıshysy Perızat Qaıratqa qatysty tergeý júrgizilip jatqany 2024 jyly 14 qarashada belgili boldy.