Emomalı Rahmon óz qyzyn Tájikstan Prezıdenti ákimshiliginiń basshysy etip taǵaıyndady
ASTANA. QazAqparat - Tájikstan basshysy Emomalı Rahmon óziniń úlken qyzy Ozoda Rahmondy Prezıdent ákimshiliginiń basshysy etip taǵaıyndady. Tıisti jarlyqqa 27 qańtarda qol qoıyldy, dep habarlady ulttyq «Hovar» agenttigi.
36 jastaǵy Ozoda Rahmon búginge deıin Tájikstan syrtqy ister mınıstriniń birinshi orynbasary bolǵan. Budan buryn habarlanǵandaı, Prezıdenttiń kishi uly, 27 jastaǵy Rýstam Emomalı sybaılas jemqorlyqqa qarsy agenttigin basqara otyryp, bas laýazymdy atqarady. Prezıdentte barlyǵy 9 bala bar, dep jazdy TASS.
