Emomalı Rahmon Ortalyq Azııadaǵy muzdyqtardyń tez erýine alańdaýly
«Qorshaǵan orta men klımattyń ózgerýi bizdiń yntymaqtastyqtyń taǵy bir mańyzdy baǵyty sanalady. Jyl saıyn tabıǵı apattar bizdiń elderimizdiń ekonomıkasyna alapat shyǵyn ákeledi. Osyǵan baılanysty, biz tabıǵı apattan zardap shekken AÓSShK elderine jan-jaqty kómek kórsetýdiń tıimdi mehanızmderin jasaýdy usynamyz», - dedi Emomalı Rahmon Dýshanbede ótken AÓSShK sammıtinde.
Sonymen birge, ol jeriniń 93 paıyzyn taý quraıtyn Tájikstannyń geografııalyq erekshelikterine baılanysty tabıǵı apattar men adam shyǵyny aldynda álsiz ekenin atap ótti.
«Sońǵy 40 jylda bizdiń elimizde myńnan astam muzdyqtar erip ketti. Bul óz kezeginde ulttyq ekonomıkanyń negizgi segmentteri - gıdroenergetıka, aýyl sharýashylyǵy, ónerkáispke zalal keltiredi. Muzdyqtardyń tez erýi Ortalyq Azııanyń sý resýrsynyń kólemine áser etedi. Ortalyq Azııa sýlarynyń 60 paıyzdan astamy Tájikstan aýmaǵynda jınalady. Bul turaqty damý maqsattaryn júzege asyrýǵa kedergi keltiredi», - dep sózin tolyqtyrdy Tájikstan prezıdenti. 
Aıta keteıik, Dýshanbede ótip jatqan AÓSShK sammıtine Qazaqstan Prezıdenti Qasym-Jomart Toqaev ta qatysýda.
