Emmanıýel Makron zeınetaqy reformasyna baılanysty málimdeme jasady

BRıÝSSELЬ. QazAqparat - Frantsııa úkimeti jaqyn arada eńbekaqy tóleý sharttaryn jaqsartýǵa, bilim berý, densaýlyq saqtaý jáne ádilet júıelerin jaqsartýǵa baǵyttalǵan sharalardy ázirleýge kirisedi. Bul týraly prezıdent Emmanýel Makron telearnalarda sóılegen sózinde aıtty, dep habarlaıdy QazAqparat tilshisi.

Frantsııa prezıdenti E.Makron eńbek jaǵdaıyn jaqsartý úshin kásipodaqtarmen jańa kelissózder bastaýǵa ýáde berdi.
Kásipodaqtar zeınet jasyn eki jylǵa, ıaǵnı 64 jasqa deıin kóterýge qarsylyq tanytyp, zeınetaqy reformasynan bas tartpaı, úkimetpen kelissózderdi qaıta jalǵastyrmaıtyndaryn málimdegen. Alaıda E.Makron barlyǵynyń zeınetaqysyna kepildik berý úshin reformalar qajet ekenin alǵa tartty. Ol Frantsııanyń Konstıtýtsııalyq soty zeınetkerlik jasty kóterý reformasyn bekitkennen keıin zeınetaqy zańyna qol qoıdy.

Degenmen, úsh aıǵa sozylǵan narazylyqtar men ereýilderden keıin solshyldar men kásipodaqtar berilmeýge ýáde berip, 1 mamyrda Eńbek kúnine arnalǵan jappaı narazylyq sharalary ótetinin eskertti. Frantsııa premer-mınıstri Elızabet Born úkimet áýeli zeınetaqy reformasynan keıin basqa reformalardy jalǵastyrady dep ýáde berdi.«Biz reformalardyń qarqynyn jedeldetýge bel býdyq», - dedi ol.1 mamyrdaǵy sherýler qarsańynda frantsýz temirjolshylar kásipodaqtary 20 sáýirdi «Temirjol qaharynyń kúni» dep ataýǵa shaqyrdy.