Emmanıýel Makron men Marın Le Pen Frantsııadaǵy prezıdenttik saılaýda ekinshi týrǵa ótti
ASTANA. QazAqparat - "Alǵa" qozǵalysynyń negizin qalaýshy, burynǵy ekonomıka mınıstri Emmanıýel Makron jáne "Ulttyq maıdan" kóshbasshysy Marın Le Pen jeksenbi kúni ótken prezıdenttik saılaýdyń birinshi týryndaǵy jeńisterin toılady.
Frantsııa ІІM jarııalaǵan aldyn ala málimetterge súıensek, 97% bıýlletenniń esep qorytyndysy boıynsha, 23,86% daýys jınaǵan Makron kósh bastap tur, al Marın Le Pen - 21,45% nátıjesimen ekinshi orynda.
Dúısenbi kúni eki kandıdat - Emmanıýel Makron men Marın Le Pen arasynda saılaýaldy naýqannyń jańa kezeńi resmı túrde bastalady. Sheshýshi daýys berý zańǵa sáıkes, alǵashqy týrdan eki apta ótken soń - 7 mamyr, jeksenbi kúni ótedi.
