Emmanıýel Makron Maqsut Narikbayev University Halyqaralyq jýrnalıstıka mektebiniń stýdentterimen kezdesti
2023 jylǵy 1 qarashada Qazaqstanǵa Memleket basshysynyń shaqyrýymen Frantsııa Prezıdenti Emmanıýel Makron resmı saparmen keldi. Bul – Frantsııa basshysynyń Astanaǵa jaýapty sapary. Ótken jyldyń 29-30 qarashasynda Qazaqstan Prezıdenti Qasym-Jomart Toqaev Parıjde bolǵan edi, dep habarlaıdy Kazinform.
Eske salaıyq, kelissózder nátıjesinde saýda-ekonomıkalyq, aeroǵarysh, mashına jasaý, taý-ken ónerkásibi, agroónerkásip, atom jáne energetıka salalaryndaǵy strategııalyq seriktestikti nyǵaıtýǵa baǵyttalǵan 35 qujatqa qol qoıyldy.
Qol qoıylǵan qujattardyń arasynda Joǵary bilim jáne ǵylymı zertteýler salasyndaǵy yntymaqtastyq nıeti týraly deklaratsııa da boldy. Qazaqstan men Frantsııa bilim berý jáne ǵylymı ortalyqtar arasyndaǵy baılanystardy belsendi damyp jatyr. 2014 jyldan bastap Sorbonna-Qazaqstan ınstıtýty jumys isteıdi. Frantsııanyń úsh bilim oshaǵy – Pýate ýnıversıteti, Lotarıngııa ýnıversıteti jáne Strasbýrg ýnıversıtetimen seriktestik belsendi damyp keledi.
Frantsııa prezıdenti Astanaǵa sapary aıasynda elimizdegi bedeldi joǵary oqý oryndarynyń biri – Maqsut Narikbayev University stýdentterimen jáne oqytýshylarymen kezdesti.
Suraq-jaýap formatynda E.Makron men stýdentter Qazaqstan men Frantsııa arasyndaǵy yntymaqtastyqtyń perspektıvalyq baǵyttaryn talqylady.
Prezıdent Makronnyń aıtýynsha, Qazaqstan men Frantsııa strategııalyq áriptestikti odan ári jandandyrýǵa baǵyt aldy. Ol kontınentterdiń ózara baılanysyn ilgeriletýde Transkaspıı kólik baǵytynyń mańyzyn atap ótti. Frantsııa kóshbasshysy álemdegi jahandyq ózgerister jaǵdaıynda Qazaqstannyń eksporttyq múmkindikteri qazaqstandyq óndirýshiler úshin úlken múmkindik ashady dep sanaıdy.
Halyqaralyq kún tártibindegi máselelerge qatysty Emmanıýel Makron álemdegi jáne aımaqtaǵy turaqtylyqty saqtaý jónindegi kózqarasymen bólisip, Qasym-Jomart Toqaev júrgizip otyrǵan saıasattyń erekshe rólin atap ótti.
«Qazir beıbitshilik, yntymaqtastyq, halyqaralyq quqyqty qalaı saqtaı alamyz? Bul ózekti máseleler ekeni daýsyz. Eger kórshilerińiz turaqsyz bolsa, elińizdegi ekonomıkalyq turaqtylyqty qalaı saqtaı alasyz? Biz Otanymyzdyń tynyshtyǵyn qalaı saqtaı alamyz? Osyndaı kezde turaqtylyq, qundylyqtarymyzdy saqtaýymyz kerek. Menińshe, Qazaqstan Prezıdenti osyndaı jumystardy atqaryp jatyr. Siz óz jobalaryńyz jáne kózqarasyńyzben bıikterge jetesiz», - dedi Makron.
Kezdesý sońynda Frantsııa Prezıdenti MNU halyqaralyq jýrnalıstıka mektebiniń qyzmetimen tanysty.
Eske sala ketsek, osy jyldyń qyrkúıek aıynda ashylǵan Halyqaralyq jýrnalıstıka mektebi – Qazaqstan Respýblıkasy Prezıdentiniń Teleradıokesheni men Maqsut Narikbayev University medıa kommýnıkatsııalar salasyndaǵy mamandardy daıarlaý, qoldaý jáne biliktiligin arttyrýǵa arnalǵan alǵashqy birlesken joba.
