17:14, 17 Jeltoqsan 2020 | GMT +6
Emmanýel Makron koronavırýs ınfektsııasyn juqtyrdy
PARIJ. QazAqparat - Frantsııa prezıdenti Emmanýel Makron koronavırýs juqtyrdy, dep habarlaıdy QazAqparat BBC News agenttigine silteme jasap.
«42 jastaǵy Makron boıynda indet belgileri baıqalǵan soń koronavırýsqa test tapsyrdy. Endi ol jeti kúnge oqshaýlanady» delingen Elıseı saraıynyń málimdemesinde.
Resmı tulǵalardyń biri Makronnyń el basqarý isinen qol úzbeı, qashyqtan jumys isteı beretinin habarlady.
Osy aptada Frantsııada túngi ýaqytta eshkim beısaýat júrip-turmas úshin kommendanttyq saǵat engizilgen bolatyn.
El prezıdentiniń qaýipti indetti qaıdan, qalaı juqtyrǵany ázirge beımálim. Degenmen onyń ákimshiligi Makronnyń sońǵy ýaqytta kimmen baılanys jasaǵanyn, kimmen sóılesip, kezdeskenin anyqtap jatyr.
Djons Hopkıns ýnıversıtetiniń málimetine sensek, epıdemııa bastalǵaly beri Frantsııada eki mıllıonnan astam adam koronavırýs juqtyrǵan. 59 400 adam osy indetten kóz jumdy.
