Emıssııalardy qysqartý talaptaryn saqtamaǵan «Qaztsınk» 37,5 mln teńge aıyppul tóledi

ASTANA. QazAqparat – Óskemendegi «Qaztsınk» JShS 2025 jylǵa deıin aýaǵa bóletin zııandyq qaldyqtar kólemin 20 paıyzǵa qysqartady. BAQ ókilderiniń qatysýymen ótken brıfıng barysynda Ekologııalyq retteý jáne baqylaý komıtetiniń tóraǵasy Zulfuhar Joldasov osylaı málim etti, dep habarlaıdy QazAqparat tilshisi.

«Qaztsınk» – Óskemen qalasyndaǵy aýaǵa kóp kólemde zııandy qaldyqtardy bóletin kásiporyndardyń biri. Kásiporynnyń qala aýasynyń lastaý úlesi – 47,8 paıyz. Bıyl kompanııaǵa 4 tekserý júrgizildi. Onyń barysynda emıssııalardy qysqartý jónindegi talaptardyń saqtalmaýy, emıssııalar normatıvteriniń asyp ketýi anyqtaldy. Anyqtalǵan kemshilikter boıynsha jalpy somasy 37,5 mln teńgege 35 aıyppul salyndy. Aıyppuldar tolyq kólemde óndirildi», - dedi ol.

Komıtet tóraǵasynyń aıtýynsha, atalǵan seriktestik zııandy qaldyqtar kólemin azaıtý strategııasyn ázirlegen. Ondaǵy sharalardy oryndaý úshin 100 mln dollardan astam qarajat jumsalmaq. Nátıjesinde 2025 jylǵa deıin zııandy shyǵaryndylardyń mólsheri 20 paıyzǵa qysqarady.