«Emıreıts» áýe kompanııasynyń ushaǵy Astana áýejaıynda shuǵyl qonýǵa májbúr boldy
ASTANA. QazAparat - Sıetlden Dýbaıǵa baǵyt alǵan «Emıreıts» (BAÁ) áýe kompanııasynyń «Boıng 777» jolaýshylar ushaǵy Astanada áýejaıynda josparsyz jaǵdaıda qondy. Bul týraly atalǵan áýejaıdyń baspasóz qyzmetinen habarlandy.
Bul oqıǵa áýe kemesinde bir jolaýshynyń densaýlyǵy nasharlaýyna baılanysty 3 naýryz kúni saǵat 19:41 kezinde oryn aldy.
Atap aıtqanda, ushaq bortynda 293 jolaýshy men 20 ekıpaj múshesi bolǵan. Jedel járdem dárigerleri jolaýshyny teksergennen keıin, oǵan sapardy jalǵastyrýǵa ruqsat berildi.
Saǵat 22:40 kezinde áýe kemesine janar-jaǵarmaı quıylǵannan keıin ol Dýbaıǵa qaraı baǵyt aldy.
