Emirates áýe kompanııasy Almaty men Dýbaı arasynda júk reısterin iske qosty
ALMATY. KAZINFORM – Almaty men Dýbaı arasynda endi júk tasymalymen aınalysatyn ushaqtar qatynaıdy.
2026 jyldyń 16 maýsymynda Emirates SkyCargo kompanııasy Dýbaı – Almaty baǵyty boıynsha Boeing 777F ushaǵymen alǵashqy júk tasymalyn jasady.
Almaty halyqaralyq áýejaıynyń málimetinshe, alǵashqy júk reısin oryndaǵan ushaq avıatsııadaǵy dástúr boıynsha sý doǵasymen qarsy alynǵan. Qyzmetkerler ekıpaj múshelerin saltanatty túrde kútip alyp, tusaýkeser rásimin ótkizgen.
- Almaty – Dýbaı – Almaty baǵyty boıynsha aptalyq júk reısteri ár seısenbi kúni oryndalady. Áýe kompanııasy aptasyna 100 tonnadan astam júk tasymaldaý múmkindigin qamtamasyz etedi. Bul Almaty men halyqaralyq naryqta elektronıka, tez buzylatyn ónimder, ónerkásiptik jabdyqtar jáne basqa da tutyný taýarlaryn qosa alǵanda, ártúrli júk túrlerin tıimdi ári úzdiksiz tasymaldaýǵa múmkindik beredi, - dep habarlady áýejaıdan.
Almaty Emirates SkyCargo kompanııasynyń Ortalyq Azııadaǵy alǵashqy baǵytyna aınalǵan.
Eske salaıyq, buǵan deıin armenııalyq áýe kompanııasy Qazaqstanǵa jańa reıs ashqanyn jazǵanbyz.
