Emirates 56 mlrd. dollarǵa avıatsııa tarıhyndaǵy eń iri kelisimshartty bekitti
ASTANA. QazAqparat - Dýbaılyq Emirates áýe kompanııasy men Boeing korporatsııasy naryqtyq baǵamen 56 mlrd. dollar somasyna jańartylǵan 150 jalpaq fıýzelıajdyq Boeing 777H ushaqtaryna tapsyrysty rastady, dep jazady RBK.
Bul kelisim jaıynda 2013 jyldyń qarashasynda Dýbaıdaǵy ushaqtar shoýy kezinde jarııalanǵan bolatyn jáne ol jolaýshylar ushaqtary qurylysy tarıhynda eń iri kelisimshart dep tanyldy.
Atap aıtqanda, Boeing 777X áýe kemesinde jolaýshylar oryndary kóbirek jáne olar jaǵarmaıdy tutyný turǵysynda aıtarlyqtaı únemdi keledi.
Bul ushaq qurastyrylýyna qaraı onda 350-den 400-ge deıin jolaýshyny otyrǵyza alady jáne ol 15-17 myń shaqyrymdyq araqashyqtyqqa eseptelgen. Boeing 777X modeli úshin arnaıy GE9X qozǵaltqyshy jasaldy. Jańa ushaqtyń quny shamamen 349,8 mln. - 377,2 mln. dollar aralyǵynda bolady.
