Emır Baıǵazınniń «Úndestik sabaqtary» kınojobasy Saraevoda ótken halyqaralyq kınofestıvalda 1-oryn aldy

Sháken Aımanov atyndaǵy  «Qazaqfılm» kınostýdııasynyń baspasóz qyzmetiniń habarlaýynsha, jeńimpazǵa Germanııanyń «Post Republic» kompanııasy qarjylaı syılyq jáne qurastyrý jumystarynyń bir bóligin kompanııanyń Berlındegi stýdııasynda ótkizýge múmkindik berip otyr.

«Úndestik sabaqtary» alǵash ret sınopsıs deńgeıinde 2010 jyly Lokarnoda ótken Open Doors kınoforýmynda usynylǵan bolatyn. Al byltyr bul kınojoba  «Eýrazııa 2011» festıvali aıasynda ótken Qazaqstandyq kınoprokat naryǵynda jeńimpaz atandy. Onda eýropalyq jáne qazaqstandyq mamandardan quralǵan sarapshylar komıssııasy oǵan biraýyzdan daýys bergen bolatyn. Fılmniń túsirý jumystary maýsym aıynyń basynda  aıaqtalyp, onyń alǵashqy materıaldary Bosnııa jáne Gertsegovına eliniń Saraevo qalasynda ótken atalmysh kınofestıvalǵa usynylǵan edi. Bul festıvalǵa qazaqstandyq rejısserlardyń jumysy bıyl tuńǵysh ret qatyssa da, Túrkııa, Grekııa, Germanııa, Rýmynııa, Izraıl, Bolgarııa elderinen iriktelip alynǵan 7 jobanyń arasynan úzdik dep tanylyp otyr.