Emır Baıǵazınniń «Ózen» fılmi Gollıvýdtik baspasóz qaýymdastyǵynyń grantyn aldy
ASTANA. QazAqparat - Álemniń 6 rejısseri Hollywood Foreign Press Association uıymynyń birinshi rezıdenttik grantyna ıe boldy. Olardyń qataryna Venetsııa kınofestıvaliniń «Kókjıekter» (Gorızonty) baǵdarlamasynda «Úzdik rejısser» atalymy boıynsha júldeger bolǵan Emır Baıǵazın kirdi, dep habarlaıdy QR MSM baspasóz qyzmeti.
Úzdik kınematografıster 2-23 qańtar aralyǵynda semınarlar kýrsyn, eńbegi sińgen tanymal rejısserlerdiń sheberlik synyptaryn tyńdaý úshin Los-Andjeles qalasyna attanady. Júldegerler Film Independent uıymdastyrǵan is-sharalarǵa, sondaı-aq 76-jyl saıynǵy «Altyn globýs» saltanatyna qatysady.
Torontoda ótip jatqan kınofestıvalde «Tuǵyrnama/Platforma» konkýrstyq baǵdarlamasynyń júldegerlerin jarııalady. Sektsııanyń jalǵyz júldesin rejısser Ho Vı-Dınniń «Baqytty qala» fılmi alsa, Emır Baıǵazınnyń «Ózen» týyndysy ádilqazylar alqasynyń erekshe yqylasyna ıe boldy.
TIFF «Tuǵyrnama/Platforma» ádilqazylar alqasynyń múshesi Lı Chhan Don «Festıval boıy biz avtorlyq kınonyń bolashaǵy senimdi qoldarda ekendigine senim bergen 12 fılmdi kórip shyqtyq. Eń úlken qıyndyq bir ǵana rejısserdi tańdap alý boldy. Ádilqazylar alqasynyń atynan (Bela Tarr, Mıra Naır, Lı Chang-don) Emır Baıǵazın men onyń poetıkalyq tarıh pen tańǵaldyrarlyq sýretterge toly biregeı jáne keremet «Ózen» týyndysyn erekshe atap ótkip keledi» - dep atap ótti.
Óz kezeginde rejısser fılmniń túsirý komandasynyń jumysyn atap ótip, «Men Venetstsııa kınofestıvalindegi jeńisimizben quttyqtaǵan barlyq qazaqstandyqtarǵa, senima men qoldaý kórsetken Qazaqstan Respýblıkasy Mádenıet jáne sport Mınıstrliginiń basshylyǵyna, akterlar men komandama alǵys bildirgim keledi» - dedi.
Resmı press steıtmentte qazaqstandyq týyndy týraly «Biz tartymdy vızýaldyq sheshimder men batyl ári baıqampaz tózimdi stıl, naqty jáne qyzyq qolóner arqyly órnektelgen álemge endik» delingen.
Screendaily uıymdastyrǵan halyqaralyq kınosynshylar reıtıngisine súıensek, 1-orynda qazaqstandyq «Ózen» týyndysy jáne argentınalyq Benjamın Naıshtattyń «Roho» fılmi tur.
