Emi joq jańa vırýs paıda boldy
ASTANA. QazAqparat - Soltústik Karolına ýnıversıtetiniń qyzmetkerleri qaýipti vırýs jaıly málimdeme jasady. Olardyń aıtýynsha, álemge jańa emi joq SHC014-CoV vırýsy qaýip tóndirýde. Ol ókpeni zaqymdap, pnevmonııa týdyrýy múmkin. Infektsııa kózi - jarqanattar bolyp tabylady. Búginde vırýsqa qarsy birde-bir vaktsına, arnaıy dári joq. Bul týraly meddaily.ru. jazady.
Zertteý kórsetkendeı, vırýstyń syrtqy áserge ornyqtylyǵy joǵary bolǵandyqtan vaktsına ázirleý qıynǵa soǵýda. Qazir ǵalymdar vırýstyń adamnan adamǵa juǵý múmkindigin zertteýde. Ázirge bul vırýs koronavırýske jatatyny ǵana belgili, dep málimdedi «VistaNews».
Eske salsaq, ólimge ákeletin koronavırýs túriniń biri - SARS (mólsherden aýytqıtyn pnevmonııa) Qytaıda 2002 jyly paıda bolǵan. Ol kezde 8000 adam dáriger kómegine júgingen. 800-i aýrýdyń asqynýynan qaza tapqan. Ony ázirlengen vaktsına kómegimen ǵana toqtatý múmkin bolǵan. Jańa vırýsty ólim-jitimge ákeletini jaǵynan SARS-men salystyrýǵa bolady.
