«Emı» daýyly Shvetsııaǵa jetti

ASTANA. KAZINFORM — Qatty daýyl senbi kúni Shvetsııanyń batys jáne ońtústik jaǵalaýlaryna jetti6 dep jazdy Azertadj.

Nıdıngen aralynda jeldiń jyldamdyǵy 33 m/s-ke jetti. Vestra-Getaland aımaǵynda 3 myńnan astam úı jaryqsyz qaldy, birqatar aýdandarda aǵashtar qulap, joldarda úzilister boldy, sonyń ishinde keıbir joldar ýaqytsha jabyldy.

Stokgolmde jel kóshedegi dámhananyń shatyryn ushyryp áketti, al Geteborgta aǵash kólikterdi avtoturaqta basyp qaldy. Lıseberge oıyn-saýyq saıabaǵynda daýyldyń saldarynan attraktsıondardy toqtatyp, kelýshilerdi evakýatsııalady. Qutqarýshylar negizinen qulaǵan aǵashtarmen baılanysty 60-tan astam shaqyrtýǵa jaýap berdi.

Jaman aýa raıy áýe qatynasyna da áser etti. Kopengagende bir ushý-qoný jolaǵy jabyldy, bul Shvetsııanyń SAS áýe kompanııasynyń barlyq Skandınavııa boıynsha reısterinde keshigýlerge ákeldi.

Shvetsııanyń meteorologııalyq jáne gıdrologııalyq ınstıtýtynyń (SMHI) málimetinshe, daýyldyń jeli eldiń shyǵys aımaqtaryna jetedi, biraq jeksenbi kúni jeldiń kúshi álsireıdi dep kútilýde, alaıda jańbyrlar eldiń kóp bóliginde saqtalady.

Aıta keteıik, Vetnamda tropıkalyq daýyldan 12 adam qaza tapty.