Emhanalardyń aldynda vaktsına saldyratyn ýaqytsha oryndar bolady - Ajar Ǵınııat

NUR-SULTAN. QazAqparat – Emhanalardyń aldynda vaktsına saldyratyn ýaqytsha oryndar jasaqtalady. Bul týraly Densaýlyq saqtaý vıtse-mınıstri Ajar Ǵınııat málim etti, dep habarlaıdy QazAqparat tilshisi.

«Qazirgi kezde barlyq emhanalarda, barsha ekpe jasaıtyn kabınetterde tıisti jumystar uıymdastyrylǵan. Sonymen qatar, adamdar kóptep jınalmas úshin, árbir kúnge ýchaskelik dárigerler arqyly ekpe alamyn degen adamdardy óziniń kezek-kezegimen, ýaqytymen emhanaǵa shaqyrtyp jatyr», - dedi A. Ǵınııat Ortalyq kommýnıkatsııalar qyzmetinde.

Onyń aıtýynsha, qazir vaktsınanyń kóp mólsherde kelýine baılanysty, kún jylynǵan kezde emhanalardyń aldyna ekpe saldyratyn ýaqytsha oryndar jasaqtalmaq.

«Mınıstrlik tarapynan ýaqytsha ekpe jasaıtyn oryndarǵa qatysty talaptar ázirlenip jatyr. Ol buıryqpen bekitiletin bolady. Adamdar kóp shoǵyrlanǵan qalalardaǵy emhanalarda, osy nysandardyń aldynda, basqa da medıtsınalyq uıymdarda jasalady», - dedi vıtse-mınıstr.

Onyń sózine qaraǵanda, qalalardaǵy iri saýda ortalyqtarynda da vaktsınalaý uıymdastyrylady.