Emhanalardyń bazasynda damý jáne erte aralasý ortalyqtarynyń jelisi keńeıtilip jatyr
ASTANA.KAZINFORM - Qazaqstan Respýblıkasy Densaýlyq saqtaý mınıstrligi pedıatrııalyq qyzmetti júıeli túrde nyǵaıtýdy jáne balalarǵa erte kómek kórsetý ınfraqurylymyn damytýdy jalǵastyrý ústinde. Sońǵy bir jyldyń ishinde elimizdiń emhanalarynda 370-ten astam Damý jáne erte aralasý ortalyǵy (DEAO) ashyldy.
Balanyń damý erekshelikteri anyqtalǵan jaǵdaıda, ol Damý jáne erte aralasý ortalyǵyna jiberiledi. Bul ortalyqtarda balaǵa pedıatr, patronaj meıirgeri, reabılıtolog, logoped, psıholog jáne basqa da mamandardan quralǵan mýltıdıstsıplınarlyq top tarapynan keshendi qoldaý kórsetiledi.
Bir jyldyń ishinde Damý jáne erte aralasý ortalyqtarynda 72 myńnan astam bala konsýltatsııa aldy. Atalǵan úlgini engizý nátıjesinde erte kezeńderde damý buzylystaryn anyqtaý kórsetkishi 21,5%-ǵa artty.
DEAO-nyń jelisin keńeıtý balalar densaýlyǵyn saqtaý salasyndaǵy memlekettik saıasattyń mańyzdy baǵyty bolyp tabylady jáne ýaqytyly kómek kórsetýdi qamtamasyz etýge, múgedektik qaýpin tómendetýge, sondaı-aq árbir balanyń tolyqqandy damýyna jaǵdaı jasaýǵa baǵyttalǵan.
Osyǵan deıin Almaty perzenthanalarynda bıyl ana ólimi tirkelmegeni týraly jazdyq.
