Emhanalarda turǵyndardy zańsyz tirkegendermen quqyq qorǵaý organdary aınalysady - Mýsınov
ALMATY. QazAqparat - Almaty emhanalarynda turǵyndardy zańsyz tirkeý derekterimen quqyq qorǵaý organdary aınalysatyn bolady, dep habarlaıdy QazAqparat tilshisi.
«Maǵan osy jóninde kóp shaǵym túsedi. Osyndaı derekterdi biz prokýratýra men ІІD-ge baǵyttadyq. Qazir qajetti is-sharalar qabyldanyp jatyr. Meniń paıymdaýymsha, bul quqyqtyq-normatıvtik bazanyń jetilmegenin kórsetedi. Mundaı shaǵymdardyń barlyǵy birinshi jetekshilerdiń jáne ishki aýdıt jumysynyń álsiregenin kórsetedi», - dedi basqarma basshysy Serikbol Mýsınov.
Aıta ketý kerek, Almaty ákimi Baýyrjan Baıbek halyqpen esepti kezdesýi kezinde turǵyndardy emhanalarǵa zańsyz tirkeý máselesin sheshýdi tapsyrǵan bolatyn.
Sonymen qatar, Almaty qoǵamdyq keńesiniń múshesi Dáýren Babamuratov ózin basqa emhananyń tirkeýinen tapqan.
Osyǵan baılanysty «AMD» emhanasy JShS dırektory Tóleýbaevaǵa sógis jarııalandy.
