Emhanalarda qaǵaz stendterdiń ornyn ınfobokstar basatyn boldy
ALMATY. QazAqparat - Almaty emhanalaryndaǵy qaǵaz stendter elektrondy formatqa kóshedi, dep habarlaıdy QazAqparat tilshisi.
«Emhana týraly aqparat ınfobokstarǵa - arnaıy monıtorlarǵa ornatylatyn bolady. Bul monıtorlarda emhana týraly barlyq aqparat ornalasady. Patsıentter sol aqparatty oqyp, tanysa alady», - dedi qalalyq Densaýlyq saqtaý basqarmasy basshysynyń orynbasary Janar Madıeva.
Sonymen qatar, qalada densaýlyq saqtaý salasyndaǵy sıtýatsııalyq ortalyq ashylady.
«Bul ortalyq medıtsınalyq uıymdardyń aqparatyq júılerin biriktirý úshin kerek. Sonymen qatar, ákimdik kadrlyq tapshylyqty baqylap, ambýlatorııalyq deńgeıde dárilik zattarmen qamtý, qarjynyń qozǵalysyn baqylap otyrady. Bul aqparatty bilý úshin ár aýrýhana týraly málimetti suratýdyń keregi bolmaıdy», - dedi J.Madıeva.
Onyń aıtýynsha, bolashaqta atalǵan júıe barlyq TJD qyzmetiniń júıelerimen biriktiriledi.
