Emhanalarda qabyldaý ýaqyty uzartyldy
ASTANA. 17 qarasha. QazAqparat - Bıyl Astana qalasynyń densaýlyq saqtaý basqarmasy qala emhanalarynyń jumysyn ońtaılandyrý jóninde birqatar is-sharalar atqardy.
«Atap aıtqanda, elordalyq emhanalarda qabyldaý ýaqyty men dárigerdi shaqyrtyp, úıde qabyldaý merzimi uzartyldy. Endi ótken jylmen salystyrǵanda olardyń jumys kúnderi 20.00-ge deıin jumys isteıtin bolsa, 18.00-ge deıin ashyq. Al senbi, jeksenbi kúnderi 18.00-ge deıin jumys isteıtin bolsa, tıisinshe 16.00-ge deıin ashyq. Bul týraly Astana qalasynyń Densaýlyq saqtaý basqarmasy málim etti»,-dep jazady elordanyń resmı saıty.
Sondaı-aq, qalalyq densaýlyq saqtaý basqarmasy turǵyndardyń kezekte turýyn azaıtyp, qyzmet kórsetý deńgeıin arttyrý úshin tirkelý jumystaryn da ońtaılandyrdy. Sonymen qatar, naýqastar emhanaǵa telefon arqyly nemese web-saıttar arqyly jazyla alady.
Atalǵan merzim ishinde qalanyń emhanalary dárigerlerdiń keıbir mindetterin atqaratyn (profılaktıka máseleleri, telefonmen keńester berý, densaýlyqqa baılanysty otbasyna baryp áńgime ótkizip, dáriger men patsıenttiń arasynda dáneker bolý, turǵyndarǵa birinshi kezektegi kómekter kórsetý) medbıkeler, psıhologtar men áleýmettik qyzmetkerlermen tolyqty.
