Emhanalarda bahılderdi kıgizýdiń negizi joq - Densaýlyq saqtaý mınıstrligi
ASTANA. 15 aqpan. QazAqparat - Densaýlyq saqtaý vıtse-mınıstri Erık Baıjúnisovtiń paıymdaýynsha, emhanalarda bahılderdi kıgizýdiń negizi joq.
Bul týraly ol búgin Astanada jýrnalısterdiń saýalyna jaýap berý kezinde aıtty.
«Atap aıtqanda, emdeý mekemelerindegi edendi jıi jýyp otyrý kerek», - dep atap ótti vıtse-mınıstr.
Budan bólek aýrýhanalardaǵy osy máselege toqtalǵan E. Baıjúnisov, ondaǵy sanıtarlyq ahýal bas dárigerdiń quzyrynda ekenin jetkizdi.
Vıtse-mınıstr bahılderdi satý máselesine buǵan deıin jıi nazar aýdarylǵanyn aıta kele, «osyǵan baılanysty eskertýler de jasadyq. Qazirgi kezde bul másele boıynsha jergilikti jerlerdegi densaýlyq saqtaý basqarmalarynyń barsha basshylarymen sóılesetin bolamyz. Meniń oıymsha, taıaý ýaqytta biz osy máseleni sheshemiz», - dep túsindirdi ol.
Osy oraıda ol búginde bahılsiz kirýge bolatyn medıtsınalyq uıymdar da bar ekenin aıtyp ótti.
«Alaıda, keıde bahıl satý faktileri kezdesip jatady. Bul aýrýhanalar basshylarynyń kemshiligi», - dedi E. Baıjúnisov.
Budan buryn habarlanǵandaı, keshe Úkimet otyrysy barysynda QR Básekelestikti qorǵaý jónindegi agenttik basshysy Ǵabıdolla Ábdirahımov emhanalarda emdelýshilerge bahılderdi satý tutynýshylardyń quqyn buzý sanatyna jatatynyn atap ótti.
Aıta keteıik, búginde keıbir emhanalardyń kireberisinde ár bahıldi 20 teńgege deıingi kólemde satatyn arnaıy avtomattar ornatylǵan.
