Emhanaǵa jeke kýálik pen telefon ǵana apardym - Oljas Ábishev

NUR-SULTAN, QazAqparat - QR Densaýlyq saqtaý vıtse-mınıstri Oljas Ábishev elektrondyq densaýlyq pasporty qalaı jumys isteıtinin ózi tekserip kórgenin aıtty, dep habarlaıdy QazAqparat tilshisi.

«Eki apta buryn Nur-Sultan qalasyndaǵy №6 emhanaǵa bardym. Men sol emhanada tirkelgenmin. Júıeniń qalaı jumys istep turǵanyn tekserý úshin ózimmen birge uıaly telefon men jeke kýáligimdi ǵana ala bardym», - deıdi ol.

Vıtse-mınıstr ol emhanaǵa kóp adam qaralatynyn aıtty.

«Ol - standartty emhana. Men smartfon arqyly dárigerge aldyn ala jazylyp, olar jeke kýáligim arqyly men týraly jazbalardy kórsetti. Eshqandaı ambýlatorııalyq karta bolǵan joq», - deıdi ol.

Ol azamattyń qalaýy boıynsha medıtsınalyq jazbalardy qaǵazǵa shyǵaryp berýge bolatynyn aıtty.

«Medıtsınalyq jazbalardy qolǵa shyǵaryp berýge tyıym salynbaǵan. Biraq keńes alý men dári-dármek jazyp berýge deıingi melıtsınalyq qyzmet túrlerin osy elektrondyq densaýlyq kartasy arqyly aldym. Dárigerge eki apta jótelip, tamaǵym aýyrǵanyn aıtyp edim, ol ishetin dári-dármek týraly málimetti elektrondy formatta berdi. Aımaqtarda tehnıkalyq máseleler týyndaıtyn shyǵar, biraq munyń bári - sheshiletin másele», - deıdi Oljas Ábishev.

Eske sala ketsek, Eske sala ketsek, buǵan deıin elimizde elektrondyq densaýlyq pasporty engizilgenin jáne onyń aqparattyq qaýipsizdigi qalaı qamtamasyz etiletinin jazǵan bolatynbyz.

Avtor: Zarına Qaharman