Emhanada janjal shyǵarǵan qyzylordalyq sottaldy

QYZYLORDA. KAZINFORM – Qyzylorda qalasynyń №2 soty sottalýshynyń medıtsına qyzmetkeriniń densaýlyǵyna qasaqana jeńil túrde zııan keltirgenine baılanysty qylmystyq isti qarady. Bul týraly oblystyq sottyń baspasóz qyzmeti habarlady.

Іs qujattaryna qaraǵanda, jábirlenýshi dárigerlik ambýlatorııadaǵy kabınetinde naýqas qabyldap otyrǵan. 

- Ol osy kezde kabınetke kirip kelip, janjal shyǵarǵan. Jábirlenýshi kezekpen kirýdi talap etken ýaqytta sottalýshy onyń jaǵasynan ustap, judyryǵymen soqqy jasap, densaýlyǵyna jeńil túrde zııan keltirgen, - delingen habarlamada.

Sot otyrysynyń qorytyndysyna sáıkes, sottalýshy Qylmystyq kodekstiń 108-1-baby 2-bóliginiń 2-tarmaǵymen kináli dep tanyldy. Oǵan 1 jyl merzimge bas bostandyǵyn shekteý jazasy taǵaıyndaldy.

Buǵan deıin biz qyzylordalyq boıjetkendi ańdyp, onyń tynyshtyǵyn buzǵany úshin ógeı áke qamaýǵa alynǵanyn jazǵan edik.