Emelıanenko rıngke qaıta oralǵan soń birinshi kimmen jekpe-jekke shyqqysy keletinin aıtty
ASTANA. QazAqparat - Aralas jekpe-jek óneriniń sheberi reseılik Fedor Emelıanenko taǵy bir-eki jyl sporttyq mansabyn jalǵastyratynyn habarlady. Bul týraly sportshy "Mashýk-2015" jastar forýmynda aıtty, dep habarlaıdy TASS.
Buǵan deıin «Sońǵy ımperator» laqap atymen tanylǵan ol 38 jasynda úlken sportqa qaıta oralatynyn málimdegen bolatyn.
«Jaqyn arada sportqa qaıta oralamyn dep sheshtim. Qudaı qýat berse, taǵy biraz judyryqtasamyn. Ary qaraı kóre jatamyz. Múmkin bir, múkin eki jyl... Odan soń sportpen qosh aıtysamyn», - dedi Emelıanenko.
Sondaı-aq, ol rıngke qaıta oralǵan soń alǵashqy qarsylasy aýyr salmaqta UFC chempıony Fabrısıý Verdým bolǵanyn qalaıtynyn aıtty.
