Embýlatovka ózeni munaı qaldyqtarymen lastanbaǵan - ekologııa departamenti

ORAL. QazAqparat - Saraptamalar qorytyndylaryna sáıkes Embýlatovka ózeni munaı qaldyqtarymen lastanbaǵan. Bul týraly búgin BQO ekologııa departamentiniń basshysy Erbol Qýanov málim etti, dep habarlaıdy QazAqparat.

Onyń aıtýynsha, bıylǵy 18 qazan kúni Zelenov aýdanyna qarasty ıAnvartsev aýyly mańyndaǵy Embýlatovka ózeniniń óndiris qaldyqtarymen lastanǵany jóninde habar túsken. Soǵan baılanysty TJ departamenti ókilderiniń jáne aýyl turǵyny B.Meńdiǵazıevtiń qatysýymen atalmysh ózen sýynyń úsh jerinen jáne sol mańdaǵy topyraqtan eki jerden synama alyndy. Zertteý synamanyń bireýi boıynsha qalypty mólsherde, ekeýinde fenol elementi men munaı ónimderiniń shekti mólsherden asqandyǵyn kórsetti. Aýdandyq tutynýshylar quqyǵyn qorǵaý basqarmasy alǵan synamadan da munaı ónimderiniń bar ekendigi belgili boldy. Oǵan qosa aýyl turǵyndary sýdan synama alyp, Oraldaǵy «Batys sý arnasy» JShS janyndaǵy zerthanaǵa tapsyrǵan. Sonymen qatar 28 qazan kúni departament pen M.Ótemisov atyndaǵy Batys Qazaqstan memlekettik ýnıversıteti zerthanalarynyń mamandary taǵy bes jerden synama alyp, zerttedi.

«Jasalǵan saraptamalar ózenge turmystyq sarqyndy sýlardyń tógilgendigin kórsetti. ıAǵnı 60 paıyzdaı mólsherde sarqyndy sýlarmen lastanǵan. Munaı ónimderiniń bolýy sarqyndy sýlarda túrli sıntetıkalyq jýý zattarynyń (sabyn, shampýn, t.b.) bolýyna baılanysty. Bir sózben aıtqanda, munaı qaldyqtary joq», dedi E.Qýanov.