Embraer kompanııasy Aqtaý mańynda ushaǵy apatqa ushyraǵannan keıin resmı málimdeme jasady
ASTANA. KAZINFORM – Aqtaý mańynda ushaǵy apatqa ushyraǵan Embraer kompanııasy resmı málimdeme jasap, qaza tapqandardyń otbasyna kóńil aıtty.
- Qazaqstannyń Aqtaý qalasyna jaqyn jerde Embraer 190 ushaǵymen bolǵan oqıǵa bizdi qatty kúızeltti. Osy oqıǵadan zardap shekkenderdiń otbasylaryna, dos-áriptester men jaqyndaryna kóńil aıtamyz. Biz jaǵdaıdy muqııat qadaǵalap otyrmyz jáne tıisti organdarǵa qoldaý kórsetýge tolyq daıynbyz, - delingen kompanııanyń resmı saıtyndaǵy habarlamada.
Embraer – kommertsııalyq, iskerlik jáne áskerı ushaqtardy shyǵarýǵa mamandanǵan álemdegi jetekshi ushaq óndirýshilerdiń biri. Ol 1969 jyly Brazılııada qurylǵan.
Eske salsaq, Ázerbaıjan elordasy Bakýden Reseıdiń Groznyı qalasyna baǵyt alǵan áýe kemesi Qazaqstan aýmaǵynda apatqa ushyrady.
Aqtaýdaǵy ushaq apatynyń hronologııasy jarııalandy.
Aqtaýdaǵy áýe apatynan mert bolǵan qazaqstandyqtar anyqtaldy.
Keıinnen ushaq apatynan qaza tapqan qazaqstandyqtardyń otbasylaryna qarjylaı kómek kórsetiletini aıtyldy.